لمن يواجه مشكل ظهور عبارة ON HOLD بعد تلقيه مدفوعات من Paypal

لما حد يبعتلك على PayPal بيكون هناك طريقتين " ارسال ثمن خدمه - ارسال ثمن سلعه " .. دا معناهم بالعربي تقريبا

- لو بعتلك بطريقة " ارسال ثمن خدمه " .. مجرد الرصيد لما يوصلك بتلاقيه نزل في رصيدك الاساسي مباشرة بعد ثواني معدوده 
- لو بعتلك بطريقة " ارسال ثمن سلعه " .. دا بيفضل On Hold لمدة 21 يوم ، كتأكيد ان السلعه وصلته .. لازم انت تدخل وتعمل Complete Shipping ، وتكلمه يعمل Complete هو كمان
بــ كدا هاتلاقي الرصيد نزلك على رصيدك الاساسي ع طول ، ومش هاتحتاج تنتظر الــ 21 يوم

حصلت معايا قبل كدا وعملت Complete و كلمت الأخ اللي بعتلي ، عمل هو كمان Complete ، والمبلغ نزلي على رصيدي الاساسي


اوعى تنتظر اكتر من كدا لأن ممكن لو الــ 21 يوم عدوا بدون اي فعل منك او منه ، هايروح عليك المبلغ ، لأن الطريقه دي من معناها ان انت بعتله " سلعه " معينه ولازم توصله وهو يأكد ان السلعه وصلته و يعمل تأكيد على ارسال المبلغ .. اكيد انت فاهم دلوقتي الفرق بين الطريقتين " سلعه - خدمه " .

وبعد كدا لما حد يبعتلك ، أكّد عليه انه يبعتهالك " ثمن خدمه " .. لأنها مابتحتاجش لأي عملية تأكيد و المبلغ بينزلك مباشرة على رصيدك بدون اي انتظار
- " ثمن سلعه " دي معموله مخصوص للناس اللي بتشتري Online وبتدفع عن طريق الــ PayPal ، فــ لازم يكون فيه طريقه للتأكيد ان السلعه وصلت ، وتأكيد للمبلغ .
بعض الناس و خصوصا العرب ، بيستغلوها للنصب و يسحبوا الفلوس تاني بعد فتره معينه لأن كدا كدا مفيش سلعه اصلا

كل اللي عليك دلوقتي انك تعمل تأكيد وصول السلعه Shipping و تكلم اللي بعتلك ويعمل تأكيد هو كمان ، و خد بالك كويس بعد كدا و بالتوفيق ان شاء الله